2ನೇ ಬಾರಿ 10 ಕೋಟಿಗೆ ಕನ್ಯತ್ವ ಹರಾಜು !

• 
• ಬ್ರೆಜಿಲ್‌ :ಕಳೆದ ವರ್ಷ ತನ್ನ ಕನ್ಯತ್ವವನ್ನು ಹರಾಜಿಗೆ ಇಟ್ಟಿದ್ದ ಬ್ರೆಜಿಲ್‌ ಮೂಲದ ವಿದ್ಯಾರ್ಥಿನಿ ಮಿಗ್ಲಿಯೋರೋನಿ ಮತ್ತೆ ಈ ವರ್ಷ ಅದನ್ನು ಹರಾಜಿಗೆ ಇಡಲು ನಿರ್ಧರಿಸಿದ್ದಾಳೆ. ಅದೇನು ಈಕೆ ಎರಡು ಬಾರಿ ಕನ್ಯತ್ವ ಕಳೆದುಕೊಳ್ಳಲು ಸಾಧ್ಯವೇ ಎಂದು ಅಚ್ಚರಿ ಪಡಬೇಡಿ. ಕಳೆದ ಬಾರಿ ಹರಾಜು ಪ್ರಕ್ರಿಯೆ ನಡೆಸಿದ್ದ ಆಸ್ಟ್ರೇಲಿಯಾ ಮೂಲದ ವ್ಯಕ್ತಿಯೊಬ್ಬ ಈಕೆಗೆ ಮತ್ತು ಹರಾಜು ಗೆದ್ದ ವ್ಯಕ್ತಿಗೆ ವಂಚಿಸಿದ್ದನಂತೆ. ಹೀಗಾಗಿ ಹರಾಜು ನಡೆದರೂ, ಈಕೆಗೆ ಹಣವೂ ಸಿಕ್ಕಿರಲಿಲ್ಲ, ಜೊತೆಗೆ ಕನ್ಯತ್ವವೂ ನಷ್ಟವಾಗಿರಲಿಲ್ಲ. ಹೀಗಾಗಿ ಈ ಯುವತಿ ಮತ್ತೂಮ್ಮೆ ಆನ್‌ಲೈನ್‌ನಲ್ಲಿ ತನ್ನ ಕನ್ಯತ್ವವನ್ನು ಹರಾಜಿಗೆ ಇಡಲು ನಿರ್ಧರಿಸಿದ್ದಾಳೆ. ಇನ್ನು ಈ ಬಾರಿಯ ವಿಶೇಷವೆಂದರೆ ಹರಾಜು ದರ ದುಪ್ಪಟ್ಟಾಗಿದೆ. ಕಳೆದ ವರ್ಷ ಅಂದಾಜು 5 ಕೋಟಿ ರೂ. ಇದ್ದ ಬೆಲೆ ಈ ವರ್ಷ 10 ಕೋಟಿ ರೂ.ಗೆ ಏರಿದೆ.
• ಕೃಪೆ : Udayavani | Nov 23, 2013
• 
  
• 
  

ನಾಯಿಗಳಿಗೆ ಮುತ್ತು ಕೊಡುವ ಸ್ಪರ್ಧೆ !

ವಾಷಿಂಗ್ಟನ್: ಪ್ರೇಮಿಗಳ ದಿನಾಚರಣೆಗೆ ಏನೆಲ್ಲಾ ಸ್ಪರ್ಧೆಗಳನ್ನು ಆಯೋಜಿಸಬಹುದು ಎಂಬ ನಿಮ್ಮ ಆಲೋಚನೆಗಳಿಗೆ ಸ್ವಲ್ಪ ಬ್ರೇಕ್ ಹಾಕಿ. ಏಕೆಂದರೆ ನಿಮ್ಮ ಯೋಚನೆಗೂ ಮೀರಿದ ಸ್ಪರ್ಧೆಯೊಂದು ವಾಷಿಂಗ್ಟನ್‌ನ ಪ್ಲಾನೆಟ್ ಡಾಗ್ ಕಂಪೆನಿ ಆಯೋಜಿಸಿತ್ತು.

ಸ್ವಲ್ಪ ತರಲೆ ಎನಿಸುವ ''ಕೆನೈನ್ ಕಿಸ್ಸಿಂಗ್'' ಹೆಸರಿನ ಈ ಸ್ಪರ್ಧೆಯಲ್ಲಿ ನಾಯಿ ಹಾಗೂ ಮಾಲೀಕರ ಧೀರ್ಘ ಅದರ ಚುಂಬನವನ್ನು ಸವಾಲಾಗಿ ನೀಡಲಾಗಿತ್ತು. ಅತಿ ಹೆಚ್ಚು ಕಾಲ ಚುಂಬಿಸುವ ಮಾಲಿಕರಿಗೆ 75 ಅಮೆರಿಕನ್ ಡಾಲರ್ ಹಾಗೂ ಪ್ರಶಸ್ತಿ ಪತ್ರವನ್ನು ಬಹುಮಾನವಾಗಿ ನಿಗದಿಪಡಿಸಲಾಗಿತ್ತು.

45 ಸೆಕೆಂಡುಗಳ ಕಾಲ ಚುಂಬಿಸಿದ ಬಿಯು ಮತ್ತು ಆತನ ನಾಯಿ ಈ ವರ್ಷದ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. ಮತ್ತೊಬ್ಬ ಬಹುಮಾನಿತರು ತಮ್ಮ ನೆಚ್ಚಿನ ಶ್ವಾನವನ್ನು 11 ಸೆಕೆಂಡುಗಳ ಕಾಲ ಚುಂಬಿಸಿದರು. ಅಂದಹಾಗೆ ವಿಶ್ವ ಪ್ರೇಮಿಗಳ ದಿನಾಚರಣೆ ದಿನದ ಅಂಗವಾಗಿ ಈ ಸ್ಪರ್ಧೆ ಆಯೋಜಿಸಲಾಗಿತ್ತು. ನೂರಾರು ಮಂದಿ ಈ ತುಂಟ ಚುಂಬಕ್ಕೆ ಸಾಕ್ಷಿಯಾದರು.

ಕೃಪೆ : ವಿಜಯ ಕರ್ನಾಟಕ

ಭಾರತದಲ್ಲಿ ಹೆಚ್ಚುತ್ತಿದೆ ಸೆಕ್ಸ್ ಗೀಳು : ಸಂಸಾರಗಳು ಹಾಳು

ಆತನ ಹೆಸರು ನಿರ್ಮಲ್‌, 38 ವರ್ಷ, ದೆಹಲಿ ಮೂಲದ ಕಂಪನಿಯೊಂದರಲ್ಲಿ ಎಕ್ಸಿಕ್ಯೂಟಿವ್‌. ಆತನಿಗೆ ಮದುವೆಯಾಗಿದ್ದು, ಇಬ್ಬರು ಮಕ್ಕಳೂ ಇದ್ದಾರೆ. ಅವನ ವೈವಾಹಿಕ ಜೀವನ ಸುಗಮವಾಗಿ ಸಾಗುತ್ತಿದೆ. ಆದರೆ ಆತ ವಿವಾಹಕ್ಕೂ ಮುನ್ನ ಸೆಕ್ಸ್‌ ಸುಖ ಅನುಭವಿಸಿದ್ದು 922 ಸಂಗಾತಿಗಳ ಜೊತೆ. ಇದರಲ್ಲಿ ಗಂಡಸರೂ ಸೇರಿದ್ದಾರೆ ಎನ್ನುವುದೊಂದು ಅಚ್ಚರಿ.

'ನಾನು ಆಗ ಒಂಭತ್ತನೇ ತರಗತಿಯಲ್ಲಿದ್ದೆ. ಆಗಲೇ ನನಗೆ ಸೆಕ್ಸ್‌ ಬಗೆಗಿನ ಸೆಳೆತ ಇತ್ತು. ಅಲ್ಲಿಂದ ಆರಂಭವಾದ ಸೆಳೆತದಿಂದ ಸ್ವಲ್ಪ ದಿನಗಳಲ್ಲೇ ನಾನು ಸೆಕ್ಸ್‌ ಎಂಬ ಗೀಳಿಗೆ ಬಿದ್ದಿದ್ದೆ. ಇಷ್ಟರಲ್ಲೇ ಒಂದು ದಿನ ನನ್ನ ಸ್ನೇಹಿತರು ಒಂದು ಹುಡುಗಿಯನ್ನು ಗೊತ್ತು ಮಾಡಿ ನನಗೆ ಮದುವೆ ಮಾಡಿಸಿದರು. ಆಗ ನನಗೆ 35 ವರ್ಷ ವಯಸ್ಸಾಗಿತ್ತು. ನಾನು ಸುಮಾರು 6500 ಹುಡುಗಿ/ಮಹಿಳೆಯರ ಜೊತೆ ಚಾಟ್‌ ಮಾಡಿದ್ದೇನೆ. ಆನ್‌ಲೈನ್‌ನಲ್ಲಿ ನನ್ನ ಮೊಬೈಲ್‌ ನಂಬರ್‌ ಹಾಕುತ್ತಿದ್ದೆ. ಆಗ ಯಾರಾದರೂ ನನ್ನ ಬಲೆಗೆ ಬೀಳುತ್ತಿದ್ದರು. ಆದರೆ ಯಾವುದೋ ಒಂದು ಹಂತದಲ್ಲಿ ನನಗೆ ಮಾನಸಿಕವಾಗಿ ಹಿಂಸೆ ಅನುಭವಿಸಿದ ಅನುಭವವಾಯಿತು. ಜಿಗುಪ್ಸೆಯಾಯಿತು. ನನ್ನ ಚಾಳಿಯನ್ನು ನಿಲ್ಲಿಸಲು ನಿರ್ಧರಿಸಿದೆ. '

ಇದು ಸೆಕ್ಸ್‌ ಗೀಳಿಗೆ ಬಿದ್ದ ವ್ಯಕ್ತಿಯ ಒಂದು ಉದಾಹರಣೆ ಅಷ್ಟೆ. ದೇಶದಲ್ಲಿ ಇಂತಹ ಲಕ್ಷಾಂತರ ಮಂದಿಯಿದ್ದಾರೆ. ಭಾರತದಲ್ಲಿ ಲೈಂಗಿಕ ಗೀಳಿಗೆ ಬೀಳುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದ್ದು, ಮೊಬೈಲ್‌, ಟಿವಿ, ಇಂಟರ್ನೆಟ್‌ಗಳ ಮುಕ್ತ ಪ್ರವೇಶ ಸೆಕ್ಸ್‌ ಗೀಳು ಹೆಚ್ಚಲು ಕಾರಣವಾಗಿದೆ. ರಾಜಕಾರಣಿಗಳು, ಅಧಿಕಾರಿಗಳು, ಸಿನಿಮಾ ನಟರು, ಡಾಕ್ಟರ್‌ಗಳು ಹಾಗೂ ವಿದ್ಯಾರ್ಥಿಗಳು ಹೆಚ್ಚಾಗಿ ಇಂಥ ಗೀಳಿಗೆ ಬೀಳುತ್ತಿದ್ದಾರೆ. ಕುಟುಂಬಗಳನ್ನು, ದೇಶದಲ್ಲಿ ಕೆಲವೇ ಕೆಲವು ಕ್ಲಿನಿಕ್‌ಗಳು ಮನುಷ್ಯನ ಬದುಕನ್ನೇ ಹಾಳು ಮಾಡುವ ಇಂತ ಚಟವನ್ನು ಗುರ್ತಿಸಿ ಚಿಕಿತ್ಸೆ ನೀಡುತ್ತಿವೆ.

ಹಾರ್ವರ್ಡ್‌ನ ಸೈಕಾಲಜಿ ಪ್ರೊಫೆಸರ್‌ ಸ್ಟೀವನ್‌ ಪಿಂಕರ್ ಹೇಳುವ ಪ್ರಕಾರ, 'ಸಾಮಾನ್ಯವಾಗಿ ಪುರಷರೇ ಮಹಿಳೆಯನ್ನು ಓಲೈಸಿ ಅವರನ್ನು ತಪ್ಪು ದಾರಿಗೆ ಎಳೆಯುತ್ತಾರೆ. ಒಂದು ವೇಳೆ ತಾವು ಬಯಸಿದ್ದು ಸಿಗದೆ ಹತಾಶರಾದಾಗ ಲೈಂಗಿಕ ಕಿರುಕುಳ ಮತ್ತು ಅತ್ಯಾಚಾರಕ್ಕೆ ಮುಂದಾಗುತ್ತಾರೆ'.

ಬೆಂಗಳೂರು ಮೂಲದ ರಾಜೀವ್‌, 11 ವರ್ಷದಿಂದಲೇ ಈ ಸೆಕ್ಸ್‌ ಗೀಳಿಗೆ ಬಿದ್ದವರು. 'ಪ್ರತಿ ತಿಂಗಳು ಹತ್ತಾರು ಸೆಕ್ಸ್‌ ಮ್ಯಾಗಝಿನ್‌, ಸೆಕ್ಸ್‌ ಸಿಡಿಗಳನ್ನು ಖರೀದಿಸುತ್ತಿದ್ದೆ. ಹೀಗೆ ಆರೇ ತಿಂಗಳಲ್ಲಿ ಖರೀದಿಸಿದ್ದು 20ಕೆ.ಜಿ ಮ್ಯಾಗಝಿನ್ ಮತ್ತು ಸಿ.ಡಿ.' ಎನ್ನುವುದು ಎಂಜಿನಿಯರ್‌ ರಾಜೀವ್‌ ಅವರ ಮಾತು. 'ನಾನು ನಾಲ್ಕು ವರ್ಷಗಳ ಕಾಲ ಹೆಂಡತಿಯಿಂದ ದೂರವಿದ್ದೆ. ಆ ಸಮಯದಲ್ಲಿ ಸೆಕ್ಸ್‌ಗಾಗಿ ಎಸ್ಕಾರ್ಟ್‌ ಸೇವೆ ಬಳಸಿಕೊಂಡೆ. ಇದಕ್ಕಾಗಿ ನಾನು ವ್ಯಯಿಸಿದ್ದು 10 ಲಕ್ಷ. ನಾನು ವಿದೇಶಕ್ಕೆ ಹೋಗಿ ಚಿಕಿತ್ಸೆ ಪಡೆದು ಬಂದೆ. ಭಾರತದಲ್ಲೂ ಅಂತಹ ಚಿಕಿತ್ಸಾ ಕೇಂದ್ರಗಳ ಅಗತ್ಯವಿದೆ' ಎನ್ನುತ್ತಾರೆ ರಾಜೀವ್‌.

ಸಿನಿಮಾಗಳು, ಟಿವಿ ಕಾರ್ಯಕ್ರಮಗಳು ಜನರಲ್ಲಿ ಸೆಕ್ಸ್‌ ಗೀಳು ಹಚ್ಚುತ್ತಿವೆ. ಇಂಟರ್ನೆಟ್‌ ಬಳಕೆ ತೀರಾ ಸಲೀಸಾಗಿರುವುದರಿಂದ ಲಕ್ಷಾಂತರ ಸೆಕ್ಸ್‌ ವೆಬ್‌ಸೈಟ್‌ಗಳು ಸುಲಭದಲ್ಲೇ ವೀಕ್ಷಣೆಗೆ ಸಿಗುತ್ತವೆ. ಇನ್ನು ಇಂಟರ್ನೆಟ್‌ ಸುಲಭವಾಗಿ ಹುಡುಗ/ಹುಡುಗಿಯರ ನಡುವೆ ಮಧ್ಯವರ್ತಿಯಂತೆ ಕೆಲಸ ಮಾಡುತ್ತಿದೆ. ಹೆಚ್ಚಿರುವ ಸೋಷಿಯಲ್‌ ನೆಟ್‌ವರ್ಕಿಂಗ್‌ ಬಳಕೆ ಬೇಕಾದವರನ್ನು ಬೇಕೆಂದಾಗ ಸಂಪರ್ಕಿಸುವ ಸುಲಭ ಮಾರ್ಗವನ್ನು ತೆರೆದಿದೆ. ದೂರಸಂಪರ್ಕದಲ್ಲಾಗಿರುವ ಕ್ರಾಂತಿ, ಕಡಿಮೆ ದರದಲ್ಲಿ ಮೊಬೈಲ್ ಲಭ್ಯತೆ ಜರನ ಸಂಪರ್ಕವನ್ನು ಸುಲಭ ಸಾಧ್ಯವಾಗಿಸಿದೆ. ಇದು ಅಕ್ರಮ ಚಟುವಟಿಕೆಗಳಿಗೆ ನಾಂದಿಯಾಗುತ್ತಿದೆ. ಈ ಎಲ್ಲ ಕಾರಣಗಳಿಂದ ಭಾರತದಲ್ಲಿ ಸೆಕ್ಸ್‌ ಗೀಳಿಗೆ ಬೀಳುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ.

ಕೃಪೆ : ವಿಜಯ ಕರ್ನಾಟಕ